Trajtimi i Epilepsisë me Baterinë e Trurit

Çfarë është epilepsia?

Epilepsia është një sëmundje afatgjatë që shkakton kriza të përsëritura për shkak të sinjaleve elektrike jonormale të prodhuara nga qelizat e dëmtuara të trurit. Një shpërthim i aktivitetit elektrik të pakontrolluar brenda qelizave të trurit shkakton një sulm epileptik. Konvulsionet mund të përfshijnë ndryshime në vetëdije, në kontrollin e muskujve (muskujt tuaj mund të dridhen), në ndjesi, në emocione dhe në sjellje.

Kë prek epilepsia?

Çdokush, i çdo moshe, race apo seksi, mund të zhvillojë epilepsi.

Sa e shpeshtë është epilepsia?

Rreth 50 milionë njerëz në mbarë botën kanë epilepsi, duke e bërë atë një nga sëmundjet neurologjike më të zakonshme në mbarë botën.

Cilat janë simptomat e epilepsisë?

Simptomat e epilepsisë ndryshojnë në varësi të llojit të krizave. Epilepsia shkaktohet nga një aktivitet i çrregullt elektrik në një zone të caktuar të trurit, prandaj simptomat mund të jenë të ndryshme. Simptomat e përgjithshme të epilepsisë janë:

· Ngulitje e syve

· Spazëm të krahëve dhe këmbëve (dridhje)

· Ngurtësim i trupit

· Humbje e vetëdijes

· Probleme me frymëmarrjen ose ndalesa të frymëmarrjes

· Humbje e kontrollit të zorrëve ose fshikëzës

· Rënia e papritur pa ndonjë arsye të dukshme, veçanërisht kur shoqërohet me humbje të vetëdijes

· Nuk i përgjigjet zhurmës ose fjalëve për periudha të shkurtra

· Dukeni të hutuar

· Tundni kokën në mënyrë ritmike të shoqëruar me humbje të vetëdijes

· Periudha të ngulitjes së syve dhe shikimit të shpejtë të syve

Çfarë e shkakton epilepsinë?

Ndërsa shkaku i saktë i epilepsisë mund të mos dihet, krizat epileptike mund të shkaktohen nga:

Tek të porsalindurit dhe foshnjat:

• Trauma në lindje

• Probleme kongjenitale (të pranishme në lindje).

• Temperaturë të lartë /infeksion

• Çekuilibrime metabolike ose kimike në trup

Tek fëmijët, adoleshentët dhe të rinjtë:

• Alkooli ose droga

• Trauma në kokë ose lëndim i trurit

• Infeksionet 

• Probleme kongjenitale

• Faktorët gjenetikë

• Arsye të panjohura

Shkaqe të tjera të mundshme të krizave epileptike mund të përfshijnë:

• Tumori në tru

• Probleme neurologjike

• Lënia e drogës (efekt anësor)

• Medikamente të caktuara

• Përdorimi i drogave të paligjshme

Çfarë mund të provokojë një sulm epileptik?

Nxitësit e konvulsioneve nuk shkaktojnë epilepsi, por mund të provokojnë kriza te ata që tashmë janë diagnostikuar dhe janë të ndjeshëm. Disa prej këtyre nxitësve përfshijnë:

• Stresi

• Pirja e alkoolit, ose lënia e alkoolit

• Dehidratimi ose mos ngrënia e vakteve ushqimpre

• Ekspozimi ndaj toksinave ose helmeve, duke përfshirë plumbin, monoksidin e karbonit, drogat e paligjshme dhe doza shumë të mëdha të barnave

• Ndryshimet hormonale që lidhen me ciklin menstrual

• Mungesa e gjumit

• Stimulimi vizual si dritat vezulluese ose struktura lëvizëse

Si diagnostikohet epilepsia?

Nëse përjetoni dy ose më shumë kriza epileptike që nuk janë shkaktuar nga një gjendje e njohur mjekësore - për shembull, nga sheqeri i ulët në gjak ose lënia e alkoolit - ju konsideroheni të keni epilepsi. Përpara se të bëni një diagnozë, ofruesi juaj i kujdesit shëndetësor do të kryejë një ekzaminim fizik, do të marrë historinë tuaj mjekësore dhe mund të bëjë analiza të gjakut (për të përjashtuar shkaqe të tjera).

Mjeku juaj mund të bëjë gjithashtu teste si një EEG (elektroencefalogram) dhe skanime të trurit (si një skanim CT ose një MRI).

Si trajtohet epilepsia?

Trajtimet për të kontrolluar epilepsinë përfshijnë medikamente kundër konvulsioneve, dieta speciale dhe kirurgji.

Kirurgjia dhe pajisjet

Kur ilaçet nuk ofrojnë kontroll të mjaftueshëm të krizave, operacioni i epilepsisë mund të jetë një opsion. Me operacionin e epilepsisë, një kirurg heq zonën e trurit tuaj që po shkakton kriza, pa ndërprerë sjelljet e rëndësishme si fjalimi, kujtesa ose shikimi.

• Stimulimi i nervit vagus. Stimulimi i nervit vagus mund të jetë një opsion kur ilaçet nuk kanë funksionuar mjaftueshëm për të kontrolluar krizat dhe operacioni nuk është i mundur. Një pajisje e quajtur stimulues i nervit vagus implantohet nën lëkurën e gjoksit, i ngjashëm me një stimulues kardiak të zemrës. Një kabllo futet në nervin vagal në rajonin e qafës me një metodë mikrokirurgjikale dhe skaj i kabllit tjetër vendoset në gjoks në mënyrë që të mos jetë i dukshëm nga jashtë. Është një ndërhyrje që zgjatë mesatarisht 1 orë.

• Stimulimi i thellë i trurit. Stimulimi i thellë i trurit, përfshinë implantimin e një elektrode në një zonë të caktuar të trurit, zakonisht në talamus dhe implantimin e një gjeneratori në gjoks, me të cilin komunikojnë mes vete dhe reduktojnë sulmet epileptike. Kjo metodë e trajtimit përdoret kur sulmet epileptike nuk përmirësohen me medikamente.

A ka një kurë për epilepsinë?

Nuk ka kurë për epilepsinë. Por ka shumë mundësi për të trajtuar epilepsinë. Brenda pak vitesh rreth 70% e njerëzve nuk përjetojnë konvulsione pas marrjes së trajtimit të duhur.

Cilat janë komplikimet kërcënuese të epilepsisë për jetën?

Konvulsionet mund të çojnë në lëndime të rënda fizike. Përveç kësaj, gjendjet kërcënuese për jetën që lidhen me epilepsinë përfshijnë statusin epileptik dhe vdekjen e papritur të pashpjegueshme nga epilepsia (SUDEP).

Telefononi Urgjencën Mjekësore nëse keni pasur një krizë epileptike që zgjatë më shumë se 5 minuta ose sulme epileptike të njëpasnjëshme.

Për më shumë informata në lidhje me kontrollet, ekzaminimet, trajtimin, shpenzimet dhe çdo gjë tjetër rreth shërbimeve tona në kuadër të partnerëve tanë, ju lutëm na kontaktoni përmes linjave tona të kontaktit si më poshtë ose plotësojeni formularin e dhënë në webfaqe dhe ne do ju kontaktojmë shumë shpejtë:

e-mail: info@njemjek.com

Turqi: +90 541 557 37 36; Kosovë: +383 48 333 752

“Besimi i juaj është përgjegjësi për ne.”