22 Maji është Dita Europiane e Luftës kundër Obezitetit.

Kjo datë ka për synim rritjen e ndërgjegjshmërisë së popullsisë për problemin e obezitetit dhe sëmundjeve të lidhura me to, si dhe për implikimet e obezitetit në shëndet. 

Kjo dite synon gjithashtu të promovojë praktikimin e ushtrimeve fizike, për të parandaluar përhapjen e obezitetit, veçanërisht tek fëmijët dhe të rinjtë, si dhe për të inkurajuar adoptimin e zakoneve të shëndetshme të të ushqyerit.

Obeziteti është një sëmundje komplekse, kronike me disa shkaqe që çojnë në dhjamë të tepërt të trupit dhe ndonjëherë, në shëndet të dobët. Dhjami i trupit në vetvete nuk është një sëmundje, natyrisht. Por kur trupi juaj ka shumë dhjamë, ai mund të ndryshojë mënyrën se si funksionon. Këto ndryshime janë progresive, mund të përkeqësohen me kalimin e kohës dhe mund të çojnë në efekte negative shëndetësore.

Ofruesit e kujdesit shëndetësor zakonisht përdorin indeksin e masës trupore (BMI) për të përcaktuar obezitetin në popullatën e përgjithshme. BMI mat peshën mesatare të trupit kundrejt lartësisë mesatare të trupit. Si përgjithësim, ofruesit e kujdesit shëndetësor e konsiderojnë një BMI prej 30 ose më të lartë si obezitet.

Njerëzit që kanë mbipeshë ose obezitet, krahasuar me ata me peshë të shëndetshme, janë në rrezik të shtuar për shumë sëmundje serioze dhe gjendje shëndetësore. 

Kjo perfshin:

• Presioni i lartë i gjakut (hipertension).

• Kolesterol i lartë LDL, kolesterol i ulët HDL ose nivele të larta të triglicerideve (dislipidemia).

• Diabeti i tipit 2.

• Sëmundje koronare të zemrës.

• Goditja në tru.

• Osteoartriti.

• Apnea e gjumit dhe probleme me frymëmarrjen.

• Shumë lloje të kancerit.

• Cilësi e ulët e jetës.

• Sëmundje mendore si depresioni klinik, ankthi dhe çrregullime të tjera mendore.

• Dhimbje trupore dhe vështirësi me funksionimin fizik.

Më shumë se 1 miliard njerëz në mbarë botën janë obezë – 650 milionë të rritur, 340 milionë adoleshentë dhe 39 milionë fëmijë. Ky numër është ende në rritje. OBSH vlerëson se deri në vitin 2025, afërsisht 167 milionë njerëz – të rritur dhe fëmijë – do të bëhen më pak të shëndetshëm sepse janë mbipeshë ose obezë.

“Obeziteti është një problem me të cilin po përballet pothuajse çdo komb në botë, por ne mund të bëjmë shumë për ta rregulluar atë.”